Íbúafjöldi 5200.  51 km sunnan Dyflinnar við suðurhluta bogalagaðs flóa við Írlandshaf.  Um bæinn rennur áin Vartry í gegnum 3 km langt lón.  Á rifinu, sem skilur að haf og lón eru göngustígar og afþreyingarsvæði.  Víkingar leituðu fyrrum öruggrar hafnar í lóninu og setturst að í klaustursbyggðinni, sem stofnuð var á 5. öld af hl. Mantan, og endurskírðu hana Wykinglo.  Í bænum, sem byggðist í skjóli Svartakastala (12. öld), eru þröngar götur.  Svartikastali var virki normanna á höfða austan bæjarins.  Margir ættarhöfðingjar réðust á og reyndu að ná kastalanum undir sig allt fram á 17. öld.

Í garði sóknarprestsins sést enn þá fyrir rústum fransiskanaklausturs frá 13. öld.  Sóknarkirkjuna (18. öld) prýðir fagur rómanskur dyraumbúnaður.

Uppi í Vartrydalnum er "Djöflagil (The Devils Glen), þar sem áin fossar 30 m niður í Djöflahyl.  Fallegur útivistarstaður með göngustígum.