Íbúafjöldi 5000.  Inis Coirthe þýðir Klettaeyja.  Bærinn er í suðausturhorni landsins við aðalveginn frá Dyflinni til Wexford.  Hann stendur á vesturbakka árinnar Slaney.  Báðir árbakkarnir  eru brattir upp frá ánni.  Slaney er skipgeng að bænum og umferð er talsverð á milli hans og Wexford, sem liggur 24 km sunnar.

Bærinn byggðist sem markaður og umskipunarstaður í kringum Enniscorthykastala (1586; endurbyggður).  Kastalinn er rétthyrnt virki með hornturnum.  Þar er nú athyglisvert safn forngripa úr nágrenninu, þ.á.m. minjar allt frá steinöld.

Dómkirkja hl. Aidan stendur á áberandi stað ofan árinnar.  Hún er í nýgotneskum stíl eftir Pugin frá árinu 1840.

Austan bæjarins rísa Vinegarhæðir (Edikshæðir).  Þar eru rústir vindmyllu.  Gott útsýni.