Mashhad eða Meshed er höfuðborg Khorasan-héraðs í Kashaf Rud-dalnum í grennd við landamæri Turkmenistan og Afghanistan.  Hún er ein stærsta borg landsins og mikilvæg miðstöð samgangna, iðnaðar og trúariðkana.  Umhverfis hana er stundaður talsverður landbúnaður.  Teppagerð og annar ullariðnaður er hefðbundinn í borginni og þar að auki er talsvert framleitt af vefnaðarvöru, efnavöru, lyfjum og matvælum.  Grafreitur og helgidómur trúarleiðtogans Ali ar-Rida (f.hl. 9. aldar) er meðal helgustu staða landsins og laðar til sín fjölda ferðamanna. Gröf kalífans Harun ar-Rashid er líka í helgidómnum.  Háskóli borgarinnar var stofnaður árið 1956 og rústir fornborgarinnar Tus eru í nágrenninu.

Mashhad varð mikilvæg trúarmiðstöð á 9. öld.  Abbas I, keisari, endurbyggði borgina eftir skemmdir, sem innrásarherir ollu og hún dafnaði undir stjórn Nadir Shah sem höfuðborg hins stóra Íranska keisaradæmis.  Áætlaður íbúafjöldi árið 1991 var tæplega 1,8 miljónir.

Teppagerðin byggist á ullarframleiðslu á svæðinu.  Einnig er talsverður vefnaður, efnaiðnaður, lyfjagerð og matvælaframleiðsla.

Greftrunarstaður og helgistaður trúarleiðtogans Ali ar-Rida (9. öld) er meðal helgustu staða síta-múslima í Íran.  Þangað koma margir ferðamenn og pílagrímar.  Gröf kalífans Harun ar-Rashid er einnig á þessum helgistað.  Mashhad-háskóli (1956) er þarna einnig og rústir fornborgarinnar Tus eru í grenndinni.