|
VEITINGAHÚS
New Dehli. Fjöldi
góðra veitingahúsa býður innlenda- og alþjóðlega matargerð: Taverna
Cypris og
Burgundi, bæði í Hotel Ashoka,
Casa
Medici í Taj, Degchi við
gatnamót Parliament Street og Connaught Circus og
Kwality
líka við Parliament Street.
Afbragðsveitingahús,
sem bjóða indverskan mat:
Tandoor í President hótelinu, Gaylords
við Connaught Circus, Moti Mahal
við Netaji Subbah Marg., Ranjit
Hotel nærri Gömlu-Dehli, Woodlands
í Lokhi hótelinu og í Dasaprakash
í Ambassador hótelinu.
Góð
kínversk veitingahús: China Town
í Ashoka, Jade Garden í
Claridges, Chinois í Oberoi
International, House of Ming
í Taj, Mandarin við Janpath,
Nirula's við Connaught
Circus, Daichi í South
Extention og Hong Kong í
Greater Kailash.
Japönsk
veitingahús: Fujiya við Rajdoot Marg. og í
Ginza við Connaught Circus.
Arabísk
veitingahús: El-Arab á horni Parliament Street og Connaught Circus.
Bombay. Indversk-
og alþjóðleg veitingahús:
Moghul Room og Outrigger í Oberoi Towers,
Tanjore og Rendevous í
Taj, Delhi Durbar við Regal bíóið
í Colaba, Copper
Chimney við
Rampart Row, Kwality við
Colaba Causeway og Pemp's Corner.
Góð
kínversk veitingahús: Nanking
í Apollo Bunder, Shanghai við
Colaba Road, Chop Sticks við
Veer Nariman Road og Gazebo í
Bandra.
Calcutta.
Indversk-
og alþjóðleg matargerð:
Moghul og Polynesia í
Oberoi Grand Hotel, Shah-en-shah
í Great Eastern Hotel, Golden
Peacock í Hindustan International Hotel,
Blue Fox, Trincas,
Mocambo (öll þrjú við Park Street) og
Amber við Waterloo Street.
Góð
kínversk veitingahús:
Chung-wa
við Chittarangan Avenue, Jimmy's
Kitchen við Shakespeare Sarani,
Waldorf
við Park Street og í Kínverska
veitingahúsinu í Great Eastern Hotel.
Madras. Indverskur
og alþjóðlegur matur er boðinn á veitingastöðum allra stærstu hótelanna,
s.s. Connemara, Chola Sheraton, Taj Coromandel og
Savera.
Buhari's
við Mount Road býður afbragðsgóðan indverskan mat.
Woodlands
Drive-in á horni Mount
Road og Cathedral Road býður mjög góða grænmetisrétti.
SKEMMTANIR og UPPÁKOMUR
Næturlífið.
Næturlífið
í Indlandi er fremur fábreytt og á engan hátt sambærilegt við evrópska
vísu. Það eru engir næturklúbbar
til. Á síðari tímum
hafa stóru hótelin efnt til kvöldverðardansleikja og sýninga og
nokkur þeirra reka diskótek (Oberoi Maidens Hotel, New Delhi; Taj
Inter-Continental í Bombay) og leika lifandi tónlist undir dansi.
Leikhús
og kvikmyndahús. Fjöldi
atvinnuleikhópa, damu-hópa og hljómsveita leikur listir sínar en fátt
er um góð leikhús og tónlistarsali.
Það ætti enginn, sem hefur tækifæri til, að missa af sýningum
suðurindverska dansleikhússins 'Kathakali', sem hóf starfsemi sína
í núverandi mynd í Kerala. Sönn
'Kathakali'-sýning tekur alla nóttina.
Þar kemur fram lítil hljómsveit, sagnaþulir og skrautlega búnir
leikarar, sem leika atriði úr gömlum indverskum sögnum.
Í útileikhúsum stórborganna eru sýndar erlendar og innlendar
kvikmyndir (á hindi, bengali, tamil, telugu og marathi).
Indversk kvikmyndaframleiðsla blómstrar.
Þjóðleg
tónlist og dansar. Í
flestum stórum hótelum.
Íþróttir. Indland
er ekki lengur paradís stórveiðimanna.
'Shikar'-safariferðirnar eru bannaðar nema með fáum og
torfengnum undantekningum. Stangaveiði
er leyfð og eftirsóttustu fiskarnir eru 'masheer' (í efri hluta stóránna),
lax og ferskvatnsfiskurinn 'Goonch', sem getur orðið allt að 140 kg.
Það er mikið af silungi í ám og lækjum í Kashmir (apríl-septemberloka;
veiðileyfi) og í Nilgirifjöllum í Tamil Nadu.
Sjóstangaveiði er stunduð fyrir strönd Kerala.
Golfvelli
er að finna um allt land, einkum í grennd við heilsubótastaði uppi
í fjöllum. Átján holu
vellirnir í Srinagar og Gulmarg (Kashmir) eru mjög góðir.
Gestir, sem vilja leika golf verða að snúa sér til ritara klúbbanna
til að greiða vallargjöld.
Skíðaíþróttin
er að ávinna sér sess í Himalajafjöllum.
Skíðatímabilið er venjulega frá desember til febrúar.
Góðar
gönguleiðir eru í norðanverðu fjalllendinu og á 'Ghats'-svæðun-um.
Helztu
keppnisíþróttir Indverja eru hokkí, knattspyrna, póló, krikett,
blak og körfubolti.
Baðstrendur. Beztu
baðstrendur Indlands eru á vesturströndinni við Arabíuhaf.
Chowpatty-ströndin við
Bombay er ævinlega þéttsetin og þar er góð þjónusta, góðir
skyndibita- og svaladrykkjastaðir og olíunudd.
Juhu-ströndin er í 20
km fjarlægð frá Bombay-flugvelli (strætisvagnar á sunnudögum og frídögum;
fjöldi góðra hótela). Madh-, Manori og Marve-strendurnar eru í 38, 40 og 44 km fjarlægð
frá Bombay á leiðinni til Balad.
Enn sunnar eru *Goa-strendurn-ar:
Calangute er ein hin
bezta og jafnvinsæl og Colva,
6 km frá Marago. Falleg baðströnd
er við Dona Paula, 7 km frá Panaji (Panjim). Sömu sögu má segja um strendurnar Siridao, Vagator, Mandrem og Majorim og strendurnar við
Karnataka, Karwar, Malpe og Udipi.
Langt
í suðri er *Kovalam-ströndin,
16 km frá Trivandrum, höfuðborg Keralaríkis, með loftkældum
strandhýsum.
Á
suðurodda Indlands, þar sem Arabíuhaf, Bengalflói og Indlandshaf mætast,
er Kanya Kumari (Skarfahöfði). Strendurnar
þar eru kunnar vegna litskrúðugs sands, sem unglinga moka í
plastpoka og selja ferðamönnum.
Beztu
baðstrendurnar við Bengalflóann eru Mahabalipuram
(Mamallapuram), Madras, Vishoakhapatam (Vizag) og Waltair.
Norðar eru Gopalpur-on-Sea, helgaborgin Puri
(Orissa) og sjóbaðstaðurinn Digha
(Vestur-Bengal). |
