|
 Borgirnar
Goa,
Daman og Diu,
sem liggja allfjarri hverri annarri, mynda sambandsfylki.
Þær voru fyrrum allar undir portúgölskum yfrráðum.
Daman er á austurströnd Khambhat-flóa og Diu er á suðurodda
Kathiawarskaga. Goa, 3500
km² (800þ. íb.), er stærsti og viðskiptalega mikivægasti hluti
fylkisins, sem á landamæri að sambandsfylkjunum Maharashtra og
Karnataka.
Árið
1510 lagði portúgalski skipstjórinn Afonso de Albuquerque gömlu borgina
Goa undir sig og gerði hana að höfuðborg
Portúgölsku Indía í stað Cochin. Á 18. öld
lögðu Portúgalar umhverfi Goa undir sig og héldu því þar til
1961, þegar indverskar hersveitir hernámu það.
Enn þá gætir veru Portúgala, því að 40% íbúanna eru
kristin, og austræn og vestræn mennigarblanda er athyglisverð.
Panaji
(Panjim) eða Nýja-Goa, 550 km sunnan Bombay (engar samgöngur á sjó
á monsúntímanum), er hrífandi gömul borg með hornréttum götum,
sem minnir mjög á portúgalskan uppruna sinn.
Goa
Velha
eða Gamla-Goa, sem var kölluð Gullna Goa, þegar hún var höfuðborg
portúgalska yfirráðasvæðisins.
Blómaskeið hennar var á árunum 1575 til 1625.
Henni hefur hrakað mjög, þótt enn þá standi nokkrar fagrar
byggingar, sem minna á forna frægð.
Bom Jesúskirkjan (1594-1603) með gröf heilags Franciscus
Xaverius, postula Indverja (†1552), er eitt athyglisverðasta
minnismerkið. Silfurkistan
með jarðneskum leifum Xaveriusar stendur í hliðarkapellu.
Kirkjan er tengd jesúítaklaustri (1590), sem var mikil-væg trúboðsmiðstöð
í Asíu. Við hliðina á
höllinni andspænis er Katrínardómkirkjan, sem Albuquerque stofnaði
árið 1511 og var endurnýjuð árið 1628.
Þar eru reglulega haldnar guðsþjónustur.
Vestan dómkirkjunnar er klaustur hins dýrlingsins Franciscus af
Assisi. Það var byggt upp
úr mosku árið 1521 og breytt árið 1661.
Hið eina, sem stendur eftir af því er hlið úr svörtum
steini (elztu minjar um portúgalska byggingarlist í Indlandi).
Kajetanskirkjan frá 1665, lítið eitt norðan Bom Jesúskirkjunnar, er best varðveitta bygging Gömlu-Goa.
Paulus-skólinn er aftur á móti horfinn.
Meðfram
Goaströndum Arabíuhafs eru margar afbragðsgóðar baðstrendur. |
