Tegucigalpa er höfuðborg Hondúras.  Hún er í hæðóttu landslagi milli hárra fjalla í 975 m hæð yfir sjó.  Borgin var stofnuð árið 1578 í hlíðum Picachofjalls sem miðstöð gull- og silfurleitarmanna og deildi hlutverki með Comayagua 56 km norðvestar sem höfuðborg á árunum 1824-1880, en þá varð hún endanlega höfuðborg lýðveldisins.  Árið 1938 sameinuðust hún Comayagüela, sem er sunnan Cholutecaárinnar.  Nafnið Comayagüela þýðir „Litla Comayagua”.  Samkeppni var mikil milli Tegucigalpa og Comayagua og ríkisstjórnir sát til skiptis í borgunum.

Aðalbyggingar borgarinnar eru m.a. forsetahöllin og þinghúsið, háskólinn (1847) og 18. aldar dómkirkja.  Iðnframleiðslan var lítil og sniðin að þörfum íbúanna á svæðinu en hún jókst á áttunda áratugnum í tengslum við bættar vegasamgöngur.  Helztu framleiðsluvörurnar eru vefnaðarvörur, fatnaður, sykur, sígarettur, timbur, borðviður, pappír, leirvörur, sement, gler, málmvörur, plastvörur, efnavörur, hjólbarðar, raftæki og landbúnaðarvélar.  Árið 1977 voru uppi áætlanir um aukningu framleiðslu vefnaðarvara og byggð var aðstaða til að þurrka timbur og miðstöð til fiskdreifingar.  Umhverfis borgina eru silfur-, blý- og sínknámur.

Borgarbúar reiða sig að mestu leyti á samgöngur í lofti og á vegum landsins, því að járnbrautum er ekki fyrir að fara.  Vegakerfið, sem nær til stranda Kyrrahafs og Karíbahafs og er kallað Inter-Oceanic hraðbrautin og Inter-American hraðbrautin liggur þvert á hana og tengir hana við El Salvador og Nigvaragva.  Áætlaður íbúafjöldi 1989 var 608.100.