Groningen er höfuðstaður Groningenhéraðs við ána Hunse í norðausturhluta Hollands.  Hún er stærst borga í þessum landshluta og mikilvæg hafnarborg við net skipaskurða.  Iðnaðurinn byggist á framleiðslu rófusykurs, bjórs, hvietis og olíufræja.  Í borginni starfar fjöldi gull- og silfursmiða.  Meðal áhugaverðra staða eru kirkja hl. Martins (13.-16. öld), Aa-kirkjan (13. öld) og Nýjakirkja (17. öld).  Bókasafn ríkisháskólans státar af afriti af latnesku þýðingu Nýja testamentisins eftir hollenzka húmanistann Desiderius Erasmus með áritun Marteins Lúters.  Borgin var byggð á rústum herstöðvar Rómverja.  Hún var víggirt árið 1255 og var orðin Hansaborg fyrir árið 1284.  Í lok 14. aldar hafði efnuðu borgurum tekizt að ná völdum úr höndum biskups.  Saga borgarinnar helzt að öðru leyti í hendur við sögu landsins.