Nýja-Amsterdam er borg í Norðaustur-Gíana.  Hún er nærri ósum Berbice-árinnar, þar sem hún fellur til Atlantshafsins.  Hollendingar byggðu borgina 1740 og kölluðu hana Fort Sint Andries.  Árið 1790 varð hún aðsetur nýlendustjórnar Hollendinga og árið 1803 tóku Bretar hana.  Hún ber enn þá merki hollenzka tímans en dómkirkjan er ensk.

Borgin er aðalmiðstöð viðskipta og iðnaðar landsins og þar fer fram vinnsla landbúnaðarafurða frá strandsléttunni (sykurreyr, hrísgrjón og nautgripir).  Hún er í vegasambandi við Georgetown og ferjan yfir Berbice-ána tengir hana við Rosignol.  Áætlaður íbúafjöldi 1985 var 25 þúsund.