Núverandi menning landsins ber enn þá merki nýlendutímans.  Innfæddum var innprentuð evrópsk menning og afstaða þeirra hefur ekki breytzt, þrátt fyrir hvatningu stjórnvalda.  Þjóðernið er mönnum þó mikilvægt og siðir negra og austurindísks fólks eru ólíkir á margan hátt.  Daglegur klæðnaður er svipaður meðal allra þjóðernishópa landsins.

Menning indíána hefur ekki orðið fyrir miklum utanaðkomandi áhrifum og er í hávegum höfð í söfnum landsins og hefur veruleg áhrif á tón- og málaralist.  Helztu menningarstofnanir landsins eru í Georgetown, s.s. Þjóðminjasafnið og dýragarðurinn.  Rithöfundar landsins hafa lagt sitt af mörkum til bókmennta landsins (Wilson Harris, A.J. Seymour, Walter Rodney o.fl.).

Afþreying byggist á hefðum og siðum múslima, hindu og kristinna manna.  Krikket er vinsæl íþrótt, sem hefur breiðzt út um flest enskumælandi Karíbalönd.

Ríkið stjórnar næstum öllum fjölmiðlum, útvarpsstöðvum og eina dagblaði landsins.  Andstaðan gegn ritskoðun hefur stöðugt aukizt.  Árið 1988 stofnaði ríkið fyrstu sjónvarpsstöð landsins rekstur.