Höfuðstaður Alpes-Maritimes og fimmta stærsta borg Frakklands í 1-20 m hæð yfir sjó stendur við Englaflóa.  Nizza er vinsæll sumar- og vetrardvalarstaður.  Lega borgarinnar er afarfögur og loftslag milt.  Helzti árlegi viðburðurinn í Nizza (síðan 1870) er 11 daga kjötkveðjuhátíð (corsi) fyrir hvítasunnuna, einhver vinsælasta hátíð Evrópu.  Strandlífið er fjörugt, þrátt fyrir malarströnd.  Alþjóðaflugvöllur frá 1957 með 2-3 km löngum flugbrautum, byggðum út í sjó.  Þar er vaktað rútustæði til að geyma bílana á næturnar.  Á sumrin er blómahátíð, útileikhús, siglingakeppni o.fl.  Í borginni er einnig spilavíti, háskóli, sýningarhöll og ópera (m.a. ítalskar óperur frá hausti til vors).  Bókasýning í maí, hundasýning í júní og ballethátíð í júlí og ágúst.  Gönguferð um borgina er áhugaverð.

Árið 350 f.Kr. stofnuðu Grikkir frá Marseilles til byggðar þar og nefndu hana Nicaea til heiðurs gyðjunni Nike (sigurgyðja).  Rómverjar höfðu lítinn áhuga á borginni.  Nizza óx fiskur um hrygg á 10. öld og síðar undir stjórn hertoganna í Provence.  Árið 1388 var Nizza innlimuð í hertogadæmi Savoyættarinnar, sem var sameinað Sardiníu. Árið 1712 réðu Frakkar borginni en tveimur árum síðar var hún aftur komin undir Sardiníu og árið 1860 undir Frakkland.

Frelsishetja Ítlala, Garibaldi, fæddist í Nizza árið 1807.  Listmálararnir Matisse og Dufy liggja grafnir þar.  Árið 1966 varð Nizza háskólaborg.

Spilavítið er við Place Masséna í miðborginni.

Strandgatan, Promenade des Anglais.

Hallarhæðin, Château, gamli bæjarhlutinn.  198 þrep upp.  Kastalinn, sem þar stóð eyði-lagðist 1706.  Aðeins 'Tour Bellanda' eftir.  Útsýni gott.

Mörg góð listasöfn.  Chagall, Matisse, Masséna (herforingi Napóleons), Chéret.

Í Cimiez eru rómverskar rústir; hringleikahús (65x57 m).