Leyte og Samar eru í austanverðum Visayaseyjaklasanum.  Þær eru tengdar með brúnni San Juan (2 km).  Leyte er 7.214 km².  Samar er 13.080 km².  Leyte er velþekktur ferðamannastaður og vinsæll en Samar er tiltölulega ósnortin.  Mac Arthur, hershöfðingi, lenti á Leyte 20 ágúst 1944 með hersveitir sínar og herjaði gegn Japönum í þessu heimshluta.  Í höfuðstaðnum, Tacloban (100 þ.), er þessara atburða minnst í lágmyndum á ráðhúsinu.  Á rauðuströnd, 15 km sunnan Tacloban, þar sem herliðið steig á land, er eitthvert sérstakasta stríðsminnismerki í heimi: Hópur hermanna á göngu í ferhyrndri tjörn.  Fyrrum forsetafrú, Imelda Marcos, fæddist á Leyte.

Samar liggur utan ferðamannaleiða, einkum vegna stjórnmálalegs óróa hin síðari ár.  Ríkisherinn og NPA, nýi þjópðarherinn, hafa mest barizt inni í landi og á austurströndinni.  Bezt er að fá upplýsingar um ástandið hjá lögreglunni áður en haldið er í ferð um eyjuna.  Athyglisverðasti staður Samar er *Sohoton þjóðgarðurinn í grennd við Basey, sem bezt er að sigla til frá Tacloban á Leyte.  þar er mikið völundarhús hella, fossar og neðanjarðarfljót.  Sé siglt með bát frá Catbayog til Allen blasir við ægifagurt landslag eyjarinnar.

Mynd:  Sohoton þjóðgarðurinn.