Port Moresby er höfuðborgin og aðalviðskiptamiðstöð landsins.  Hún var skírð eftir enska skipstjóranum John Moresby, sem lenti þar árið 1873.  Borgin er á miðri suðurströnd Nýju-Gíneu.  Gamli borgarhlutinn ('Town' eða 'City') er á eyri við höfnina (*sædýrasafn við Ela-ströndina).  Norðan hans er Konedugu-hverfið, þar sem stjórn landsins hafði setur fyrrum.  Nýir borgarhlutar teygjast alla leið til norðausturs að flugvellinum og stjórn-sýslubyggingar eru í nýjum og grænum borgarhluta, Waigani.  Þar er þinghús-ið, bústaður forsætisráðherrans, *Þjóðminjasafnið og Þjóðarbókhlaðan.  Enn norðar er háskólinn (stofnaður 1966) og grasagarðurinn (National Capital Botanical Gardens; athyglisverður orkideugarður).  Hús Papúanna við strönd-ina í útjaðri borgarinnar eru flest á staurum.

Handan flugvallarins liggur Sogerivegurinn til austurs til *Moitaka dýragarðsins (Moitaka Wildlife Sanctuary).  Þar eru dýrin frjáls á afgirtum svæðum og skemmtilegur krókódílagarður (opinn síðdegis á föstudögum fyrir gesti).  *Varitata þjóðgarðurinn er róleg og skemmtileg hitabeltisvin, þar sem fjölskyldur og annað fólk eyðir gjarnan heilu dögunum í ósnortnum regnskóginum.  Sjóbaðseyjan og sólskinsparadísin Loloata (ferjur) er í nokkurra mínútna fjarlægð suðaustan Port Moresby.

Lae (65.000 íb.) er héraðshöfuðborg í Morobe og önnur mikilvægasta borg landsins.  Hún er 350 km norðan Port Moresby við skjólsælan fjörð í Huon-flóa (Bismarkshaf).  Markhamáin rennur til sjávar skammt frá borginni.  Verzlun og smáiðnaður og iðandi líf við höfnina.

Hálendisvegurinn, eini langi þjóðvegur landsins, liggur frá borginni um frjósaman dal Markham-árinnar til Goroka (19.000 íb.), sem er stjórnarsetur Eastern Highlandshéraðsins.  Hún er í miðju kaffiræktarhéraði og er gott aðsetur fyrir þá, sem hyggjast kynna sér Miðhálendið betur.  McCarthysafnið er góður byrjunarstaður fyrir þá, sem vilja kynna sér menningu þessa landsvæðis.

Rútur og litlar flugvélar flytja fólk og varning milli Goroka og Hagen-fjalls, þar sem enn þá eimir eftir af frumbýlingshættinum, og þaðan er hægt um vik að komast sunnar á Miðhálendinu. *Hálendisvíðátturnar bjóða Evrópumönnum þægilegt loftslag, stórkostlegt útsýni og tækifæri til að hitta innfædda á tiltölulega afskekktum stöðum.  Einkum er mælt með ferð til *Baiyer River Wildlife & Bird of Paradise Sanctuary, sem er náttúruverndarsvæði við Baiyerána (frumstæð gisting).  Þar er hægt að finna og sjá flestar dýrategundir (m.a. paradísarfugla) landsins.

Gestir, sem hafa nægan tíma, ættu að hyggja að ferðalagi til Madang (25.000 íb.).  Bærinn er á mjög fallegum stað á skaga í Astrolabe-flóa.  Þaðan er mælt með ferðum til eyjanna úti fyrir ströndinni í norðri.

Þótt heimsóknir til Bismarkeyja, Bougainvilleeyjar eða eyjanna í Milneflóa fyrir suðausturodda Nýju-Gíneu séu ekki tímans virði, verður að mæla með siglingum um hin undurfögru *Suðurhöf.