Llangollen er líflegur markaðsbær í Clwyd í Vels með fallegum sumarleyfisstöðum við Dee-ána við rætur Velsku fjallanna.  Llangollenskurðurinn er ófjarri bænum.  Síðan 1946 hefur bærinn séð um hinar árlegu og vinsælu tónlistarhátíðir Eisteddfod.

Fjórtándu aldar brúin yfir Dee-ána í bænum er talin með sjö undrum Vels og hann státar líka af Valle Crucis Abbey (klaustur), sem Madog ap Gruffydd, prins, stofnaði 1202, Castell-Dinas-Bran frá 13. öld og steinkrossinum Eliseg’s Pillar frá fyrri hluta 9. aldar, sem var reistur til minningar um sigur Elisegs í orrustunni í Bangor.  Áætlaður íbúafjöldi árið 1981 var 3.100.