Carlisle er skírishöfuðborg og iðnaðarborg í Kumbríu.  Hún er gömul landamæraborg á bökkum árinnar Eden og veigamikil samgöngumiðstöð.  Dómkirkjan (1102-1419) og kastalinn (1092) eru skoðunarverð.

Hadriangarðurinn er rétt norðan við Carlisle og liggur um úthverfið Stanwix.  Rómverska virkið varð að bænum Luguvalium.  Skotar gerðu tilkall til Carlisle á 11. og 12. öld en réðu ekki við hana eftir að william Rufus víggirti borgina.  Árið 1645 gafst Carlisle upp eftir 8 mánaða umsátur Skota undir stjórn Leslie hershöfðingja.