Sendiráð og ræðisskrifstofur
Brunei High Commission, 49 Cromwell Road, GB London SW 7 2 ED, Tel. 5 81 05 21.  Annars staðar annast brezku sendiráðin um allan heim alls konar viðskipti, sem varða Brunei.

Ræðismaður Íslands í Singapúr
Skrifstofa: Hilton Tower #12-15 9 Leonie Hill , Singapore
Sími: 732 2697
Fax: 732 3587
Netfang: psmchin@singnet.com.sg
Heimili: 67 Grange Road #02-02 Grange Road Apartments
Ólaunaður.

Heimilisföng í Brunei
Ferðamálaráð ríkisins:  Government Tourist Office (GTO) er í húsi ríkisráðsins í Bandar Seri Begawan.  Upplýsingabás í flugstöð.

Ríkisflugfélagið:  Royal Brunei Airlines, P.O.Box 737, Bandar Seri Begawan, sími 32531.

FERÐALEIÐIR  OG  SAMGÖNGUTÆKI
Flug
Það er einfaldast að koma fljúgandi til landsins.  Alþjóðaflugvöllurinn í 5 km fjarlægð frá Bandar Seri Begawan var opnaður árið 1973.  Þar geta flugvélar af öllum stærðum og gerðum lent og hafið sig til flugs.  Ríkisflugfélagið Royal Brunei Airlines fljúga reglulega milli Bandar Seri Begawan og fjölda annarra borga heims.

Samgöngur á sjó
Reglulegar ferðir flutninga- og farþegaskipa á milli Singapúr og annarra hafna í Sarawak (A-Malasíu) og Kuala Belait.  Nokkur farþegaskip sigla á milli Viktoríuhafnar og tollfrjálsu eyjarinnar Labuan í Sabah (A-Malasíu).  Þaðan er hægt að sigla með farþegaferju til Bandar Seri Begawan.  Um þessar mundir er ekki boðið upp á slíka umferð um stórskipahöfnina Muara, nyrzt í Brunei.

Vegakerfið
Eina leiðin á landi til Brunei er malarvegur frá olíuborginni Miri í Sarawak (A-Malasía).  Á leiðinni þaðan til Kuala Belait þarf að nota tvær ferjur.

Innanlands
Innanlandsflug og járnbrautaferðir standa ekki til boða í landinu.

Rútur
Rútuferðir eru um aðalþéttbýli og milli þeirra.  Fargjöld eru ódýr en ferðir eru mjög óreglulegar.

Leigubílar
Fjöldi leigubíla er mjög takmarkaður og þeir eru einu opinberu samgöngutækin milli flugvallarins og höfuðborgarinnar.  Enginn leigubílanna er með gjaldmæli, þannig að nauðsynlegt er að semja um verðið fyrir ferð.

Bílaleigur
Vinstri umferð!!!  Á flugvellinum og í nokkrum hótelum er hægt að leigja bíla til að aka sjálfur.  Avis-bílaleigan er með útibú í Bandar Seri Begawan (Hotel Sheraton Utama, s. 27100) og í Kuala Belait (Hotel Sea View, s. 33390).  Hertz er líka í höfuðborginni U01-B Bangunan Gadong Porperties, Mile 2¼ Jalan Gadong; s. 20388 og 21816).

Samgöngur á sjó
Lítil farþegaskip og leigubátar annast reglulegar ferðir á Sungai Brunei og á Sungai Limbang til Limbang í Sarawak (A-Malasía).  Fargjöldin eru gefin upp á skiltum á brottfararstöðum.  Farþegaferjur sigla milli Bandar Seri Begawan og austurmalæísku eyjarinnar Labuan.

Skipulagðar skoðunarferðir
Ferðaskrifstofa ríkisins annast bæjarferðir í höfuðborginni og ferðir út fyrir hana.  Með tilliti til smæðar landsins er auðvelt að skoða hið markverðasta á eigin spýtur í bátsferðum eða að leigja sér bíl til þess.

HÁTÍÐADAGATAL
Islamskar hátíðir eru ríkjandi í landinu.  Þær eru haldnar samkvæmt tunglalmanakinu og ber því ekki upp á sömu daga árlega samkvæmt okkar dagatali.  Hátíðisdaga, sem eru byggðir á pólitík eða kristni, ber aftur á móti alltaf upp á sömu daga árlega.

Fastir hátíðisdagar
Nýársdagur (1. jan.),  Þjóðhátíðardagurinn (23. febr.), Stríðsdagurinn (31. maí),  Afmælisdagur soldánsins (15. júlí ; 1993), Stjórnarskrárdagurinn ( 29. sept.), jólin (25. og 26. des.).

Breytilegir hátíðisdagar
Hari Raya Haji, til minningar um fórn Abrahams spámanns.  Múslimar fara í moskur;  Kínverska nýárið, sem kínverjar halda hátíðlegt, fara í ný föt, heimsækja vini og borða hátíðarmat (jan./febr.);  Nýárshátíð múslima, helguð fyrsta degi í Hedshra;  Maulud, 10. dagur nýja islamska ársins;  Me'raj, til minningar um uppstigningu Múhammeðs spámanns;  Fyrsti dagur föstumánaðarins Ramadan;  Kóranhátíðin, helguð afhjúpun Kóransins;  Hari Raya Puasa, hátíð í lok Ramadan (2 dagar).