Hér á eftir verða talin upp valin hótel í stafrófsröð.  Þau eru í þremur verðflokkum: US$ 90>, US$ 60 - 90 og US$ 40 - 60 fyrir nóttina á mann.  Tveggja manna herbergi eru að jafnaði 25% dýrari og að auki kemur 10% þjónustugjald.  Sérstakar skammstafanir: a.m. = asískur matur; e.m. = evrópskur matur; sl. = sundlaug; sv. = sjónvarp.

Eina hótelið, sem nær alþjóðastaðli er Sheraton Utama hótelið í Bandar Seri Begawan, þótt þjónustunni þar sé stundum áfátt.  Litlu kínversku hótelin, sem fólk þarf aðstoð innfæddra við að finna, veita mörg góða þjónustu.

Bandar Seri Begawan: Sheraton Utama (A; sv., e.m., a.m.), Jalan Bendahara;  Ang's (B; sv., e.m., a.m.), Jalan Tasek Lama;  Brunei (C; e.m., a.m.), Jalan Chevalier;  Capital Hostel (C; sv.), Kampong Barangan;  National Inn (C; sv., e.m., a.m.), Jalan Tutong.

Kuala Belait:  Seaview (C; sv., e.m.), Jalan Seria; Sentosa (C; a.m.), Jalan Mckemon.

MATUR  OG  DRYKKUR,  Veitingastaðir stóru hótelanna eru hinir einu, sem framreiða vestrænan og kínverskan mat auk innlendra rétta.  Nokkrar kaffistofur í Bandar Seri Begawan bjóða bragðgóða karrírétti og múslimska rétti.  Auk þess bjóða nokkur kínversk veitingahús áfenga drykki.  Islam bannar neyzlu áfengis og þar af leiðandi eru fáar undantekningar frá reglunni.  Í höfuðborginni eru barir eingöngu í hótel Sheraton Utama, Ang's og Grill Room Restaurant.