Porto Alegre er höfuðborg Rio Grande do Sul-fylkis og hafnarborg við Lagoa dos Patos á Atlantshafsströndinni.  Hún stendur við ármót fimm vatnsfalla og er mikilvæg miðstöð viðskipta sunnan Sao Paulo.  Aðaliðnaðarframleiðslan er matvæli, skipasmíðar og vefnaður.  Útflutningurinn byggist aðallega á landbúnaðarvörum.  Þar er fylkisháskólinn (1934) og katólskur háskóli (1948).  Portúgalskir innflytjendur frá Azoreyjum settust þarna að í kringum 1742.  Áætlaður íbúafjöldi árið 1993 var tæplega 1,3 milljónir.