Curitiba er höfuðborg Paranáfylkis á Cubatao-sléttunni nærri Paranaguá.  Hún er mikilvæg miðstöð viðskipta fyrir frjósamt landbúnaðarhérað umhverfis hana.  Aðalframleiðsluvörur héraðsins eru te (maté), kaffi og timbur (fura).  Borgin er setur Paraná-háskóla (1912) og katólsks háskóla (1959).  Fyrstu landnemarnir settust að á borgarstæðinu árið 1654.  Curitiba hefur verið höfuðborg fylkisins síðan  1831.  Á síðustu áratugum tuttugustu aldar var hafizt handa við byggingu ódýrs íbúðarhúsnæðis í borginni.  Áætlaður íbúafjöldi árið 1991 var tæplega 1,3 milljónir.