Bellevue er útborg Seattle í King-sýslu, Vestur-Washington, milli stöðuvatnanna Washington og Sammamish.  Tvær flotbrýr tengja Bellevue við Seattle yfir Washington-vatnið.  Borgin er miðstöð viðskipta, fjármála og tryggingarstarfsemi.  Helztu framleiðsluvörur eru tölvur, hugbúnaður og margvíslegar vörur frá léttum iðnaði.  Ferðaþjónustan er mikilvæg tekjulind.  Byggðin hófst 1891 og járnbrautin náði til hennar árið 1904.  Hún fékk borgarréttindi árið 1953.  Nafnið kemur úr frönsku og þýðir fagurt útsýni.  Samkvæmt manntali árið 1990 var fólk af asískum uppruna 9,9% íbúanna, spænskum 2,5%, indíánar 0,4% og negrar 2,2%.  Áætlaður íbúafjöldi árið 1990 var tæplega 87 þúsund.