Samkvæmt manntalinu 1990 voru íbúar fylkisins 562.758 og hafði fjölgað um 10% næstliðinn áratug.  Meðalfjöldi íbúa á hvern ferkílómetra var 23.  Hvítir 98,6%, negrar 0,3% auk 1.650 indíána, 679 kínverja, 563 Kóreumanna og 529 indverja.  Rúmlega 3.700 voru af spænskum uppruna.

Menntun og menning.  Samkvæmt stjórnarskránni frá 1777 skyldu vera barnaskólar í öllum borgum og bæjum og menntaskóli í hverri sýslu.  Árið 1823 var fyrsti kennaraskólinn stofnaður í Concord.  Seint á níunda áratugi 20. aldar voru grunnskólar 336 með 94.800 nemendur auk 6.500 í einkaskólum.  Þá voru æðri menntastofnanir 22 með 35.900 stúdenta (Bennington-háskólinn (1932) í Bennington og Vermont-háskóli (1791) í Burlington).

Mörg söfn Vermont sýna ameríska list og minjar frá landnámstímanum.  Helztu söfnin eru:  Bennington-safnið, Sheldon-listasafnið í Middlebury, Robert Hull Fleming-safnið í Burlington, Sögufélagssafnið í Montpelier, Fairbanks-safnið og stjörnuathugunarstöðin í St Johnsbury og Shelburne-safnið, sem er endurbyggt landnemaþorp með 35 húsum í Shelburne.

Áhugaverðir staðir.  Víða eru sögufræg heimili:  Fæðingarstaður Chester A. Arthur forseta í Fairfield, fæðingarstaður Calvin Coolidge forseta í Plymouth.  Sögufrægir vígvellir:  Bennington Battle Monument (til minninginar um sigur í orrustu gegn Bretum 1777, minnismerki í grennd við Sharon, þar sem mormónaleiðtoginn Joseph Smith fæddist.

Íþróttir og afþreying.  Fjöllin, þjóðgarðar, almenningsgarðar og árnar gefa kost á dýraveiðum, stangveiði, siglingum, útilegum, gönguferðum og golfi.  Skíðaíþróttin er mjög vinsæl, enda eru 25 skíðasvæði í fylkinu.  Þjóðarskógur Grænafjalls í miðsuðurhlutanum er vinsælt útivistarsvæði.