Brownsville er hafnarborg gegnt Maamoros í Mexíkó við Río Grande-ána.  Efnahagur borgarinnar byggist á viðskiptum, flutningum og iðnaði (rafeindatæki, búnaður til geimferða, olíuvörur, matvæli (rækjur) o.fl.).  Umhverfis borgina er stórt landbúnaðarhérað, þar sem áveitur eru notaðar.  Þachary Taylor, hershöfðingi, reisti Fort Texas, síðar nefnt Fort Brown, árið 1846.  Árið 1906 voru 167 hermenn reknir úr herliðinu í Brown-virkinu vegna dauða eins íbúa borgarinnar.  Forseti BNA, Theodore Roosevelt, hafði afskipti af málinu, sem þótti á ýmsan hátt mótsagnakennt og talið var, að þessi hermenn hefðu verið blórabögglar.  Þetta mál var tekið upp og rannsakað á ný árið 1972 og niðurstöðunni breytt í þá veru, að þessum hermönnum hefði verið veitt lausn úr hernum með sóma. Áætlaður íbúafjöldi 1990 var 99 þúsund.