Rhode Island er stjórnað í anda stjórnarskrárinnar frá 1843.  Æðsti embættismaðurinn er fylkisstjóri, sem er kosinn í almennum kosningum til 2 ára í senn og sama frambjóðanda eru engine takmörk sett með endurframboð.  Aðrir kjörnir embættismenn eru varafylkisstjóri, dómsmálaráðherra, fjármálaráðherra og innanríkisráðherra.

Þingið starfar í öldungadeild (50) og fulltrúadeild (100).  Þingmenn beggja deilda eru kosnir til tveggja ára í senn.  Fylkið á tvö sæti í hvorri deild sambandsþingsins í Washington og ræður fjórum kjörmönnum í forsetakosningum.

Á tímabilinu eftir 1850 til 1933 voru fylkisstjórar flestir úr lýðveldisflokknum en eftir það tóku demókratar við.  Þeir hafa einnig verið sigursælli í kosningum til sambandsþingsins.