Allentown er miðstöð flutninga og iðnaðar í Pennsylvaníu (efnavara, sement, flutninga- og farartæki, raftæki, fatnaður, skór, matvæli, vindlar og málmar).  Meðal nýlendubygginga, sem enn standa er Zion-kirkjan, þar sem Frelsisbjallan var falin á meðan Bretar réðu Fíladelfíu 1777-78.  Byggðin,sem varð að Allentown, hófst 1762 undir nafninu Northamtontowne en nýja nafnið var tekið upp 1838 og þá var hugsað til stofnanda borgarinnar, lögfræðingsins William Allen.  Áætlaður íbúafjöldi 1990 var rúmlega 105 þúsund.