Tulsa er miðstöð viðskipta, fjármála, þjónustu og iðnaðar (búnaður til geimferða, olía, benzín, rafeindatæki, málmar, hitunarbúnaður, dráttarvindur, vélknúin farartæki, húsgögn, vefnaður, matvæli, íþróttavörur og byggingarefni).  Ferðaþjónusta, viðhald flugvéla og tölvugeirinn eru vaxandi tekjulindir borgarinnar.  Catoosa-höfn í næsta nágrenni er meðal mestu innhafna landsins við skipaleiðirnar á siglingaleiðunum McClellan-Kerr Arkansasárinnar.  Lokið var við að tengja Tulsa þessu kerfi árið 1971, þannig að nú liggur leiðin greið suður til Mexíkóflóa og norður til Vatnanna miklu.

Tulsa er fögur borg með fjölda grænna svæða og áhugaverðum menningarfyrirbærum.  Meðal æðri menntastofnana eru Tulsaháskóli (1894), Oral Roberts-háskóli (1965), Beinafræðideild fylkisháskólans (1974) og Oklahoma læknaaháskólinn (1974).  Dýragarðurinn, Robert J. Lafortune North America Living Museum, Thomas Gilcrease-stofnunin (saga og list Ameríku), Rebacca og Rershon Fenster-gyðingalistasafnið og Tulsa leiklistarmiðstöðin (1977; Fílharmóníuhljómsveitin, Ballettinn og óperan) eru meðal áhugaverðra staða í borginni.  Sýningartorgið er vettvangur árlegra kaupstefna og þar stendur stór sýningarhöll.

Creek-indíánar frá Alabama námu land á þessu verndarsvæði árið 1830 og nefndu það Tulsee-borg (dregið af Tullahassee = gamla borg).  Landnám hvítra manna á þessu svæði hófst 1882, þegar búið var að leggja járnbrautirnar.  Byggðin þróaðist sem flutningamiðstöð og uppgötvun olíu við Red Fork 1901 og við Glenn Pool 1905, var hagsæld borgarbúa tryggð.  Tulsa stækkaði ört á öðrum og þriðja áratugi 20. aldar og aftur á fimmta áratugnum, þegar mikil iðnvæðing í tengslum við síðari heimsstyrjöldina átti sér stað.  Áætlaður íbúafjöldi 1990 var rúmlega 367 þúsund.