Ohio er stjórnað í anda stjórnarskrárinnar frá 1851.  Æðsti embættismaðurinn er fylkisstjóri, sem er kosinn í almennum kosningum til 4 ára í senn og má þjóna í tvö samfelld kjörtímabil, ef hann nær endurkjöri.  Aðrir kjörnir embættismenn eru varafylkisstjóri, innanríkisráðherra, dómsmálaráðherra, ríkisendurskoðandi og fjármálaráðherra.

Þingið starfar í öldungadeild (33; 4 ár) og fulltrúadeild (99; 2 ár).  Fylkið á tvö sæti í öldungadeild og 19 sæti í fulltrúadeild sambandsþingsins í Washington DC og ræður 21 kjörmanni í forsetakosningum

Demókratar njóta talsvert meira fylgis en lýðveldisflokkurinn meðal skráðra kjósenda en oftast eru kosninganiðurstöður alljafnar.  Lýðveldisflokkurinn hefur haft forskot í forsetakosningum síðan um aldamótin 1900.  Meðal þekktra stjórnmálamanna fylkisins eru Robert A. Taft, öldungadeildarþingmaður í Washington frá 1939 til dánardags 1953 og John H. Glenn, Jr., fyrrverandi geimfari, sem varð öldungardeildarþingmaður í sambandsþinginu 1974 og hlaut endurkosningu árin 1980, 1986 og 1992.