Nýja-Mexíkó er stjórnað í anda upphaflegu stjórnarskrárinnar, sem var lögleidd 1912.  Æðsti embættismaðurinn er fylkisstjóri, sem er kosinn í almennum kosningum til 4 árar í senn.  Samkvæmt lögum frá 1994 er sama manni óheimilt að þjóna í því embætti lengur en tvö samfelld kjörtímabil.  Aðrir kjörnir embættismenn eru varafylkisstjóri, innanríkisráðherra, dómsmálaráðherra, fjármálaráðherra, ríkisendurskoðandi og umsjónamaður þjóðlendna.

Þingið starfar í öldungadeild (42; 4 ár) og fulltrúadeild (70; 2 ár).  Fylkið á tvö sæti í öldungadeild og þrjú sæti í fulltrúadeild sambandsþingsins í Washington DC.  Fylkið ræður fimm kjörmönnum í forsetakosningum.

Allt frá fylkisstofnun 1912 hafa demókratar og lýðveldissinnar verið á nokkuð jöfnu róli.