Paterson er ein stærsta borg fylkisins og miðstöð viðskipta og iðnaðar (vélbúnaður, efnavörur, málmvörur, matvæli, vefnaður, rafeindabúnaður, útgáfustarfsemi, plast- og gúmmívörur.  Í söguhverfinu eru m.a. spunaverksmiðjur, Colt byssuverksmiðja og járnbrautavélaverksmiðja.

Árið 1791varð svæðið við fossa Passaic-ána fyrir valinu fyrir iðnaðarsvæði.  Byggðin var skírð í höfuð William Paterson, landstjóra New Jersey.  Árið 1835 hóf Samuel Colt framleiðslu skotvopna og brátt þróaðist mikil vefnaðar-, járnbrautarvéla- og vélabúnaðarframleiðsla.  Um 1870 framleiddu borgarbúar næstum helming alls silkis í BNA, en nokkur bitur verkföll snemma á 20. öldinni ollu samdrætti í þessum iðnaði.  Áætlaður íbúafjöldi 1990 var 141 þúsund.