Æðsti embættismaðurinn er fylkisstjóri, sem er kosinn í almennum kosningum til 2 ára í senn án frekari takmarkana um framboð.  Forseti öldungadeildar fylkisþingsins er varamaður hans.  Framkvæmdaráð er fylkisstjóra til aðstoðar og embættismenn þess eru kosnir til 2 ára.  Þingið kýs innanríkis-, landbúnaðar- og fjármálaráðherra, ríkissaksóknara, formann herráðsins og ríkisendurskoðanda, oftast í samræmi við tillögur fylkisstjóra og framkvæmdaráðsins.

Þingið starfar í öldungadeild (24) og fulltrúadeild (400).  Þingmenn beggja deilda eru kosnir til 2 ára.  Fylkið á tvö sæti í öldungadeild sambandsþingsins í Washington DC og ræður fjórum kjörmönnum í forsetakosningum.