|
 Árið
1855 stofnuðu mormónar undir forystu Brigham Young til byggðar í Las
Vegasdalnum við hinn fjölfarna, spænska veg milli Santa Fé og
Kaliforníu. Þar byggðu
þeir virki, en hurfu fljótlega af vettvangi (1857) vegna þess að þeim
tókst ekki eins vel til með námugröft og þeir höfðu vonað.
Bandaríski herinn byggði Bakervirkið þar 1864
Eftir að járnbraut var lögð 1903 - 1905 myndaðist aftur byggðarkjarni,
sem fékk kaupstaðaréttindi árið 1911.
Járnbrautin tengdi San Pedro, Los Angeles og Salt Lake.
Árið 1940 bjuggu þar u.þ.b.
8.000 manns.
Fjárhættuspil var leyft með lögum frá 1931
Að lokinni síðari heimsstyrjöldinni var byggður fjöldi
spilavíta og breytingar urðu miklar á skömmum tíma.
Árið 1950 var íbúafjöldinn orðinn 18.000, árið 1960
64.000 og 1970 125.000.
Eyðimörkin
norðvestan Las Vegas, alla leið til smábæjarins Tonopah (280 km),
var vettvangur tilrauna með kjarnorkusprengjur ofanjarðar, þar til
þær voru bannaðar alþjóðlega.
Síðan fóru þær fram tilraunir neðanjarðar,
þar til þær voru líka bannaðar.
Rúmlega
40 trúarbrögð eru stunduð í LV.
Þar eru u.þ.b. 500 kirkjur og bænahús gyðinga. Skólakerfi
Clarksýslu er eitt hið stærsta í BNA.
Þar eru 235 opinberir skólar og nemendafjöldinn er rúmlega
179.000.
Aðalgatan
í Las Vegas er Fremont Street, sem liggur frá brautarstöðinni (Union
Station) í suðaustur. Hún
ásamt hliðargötum, einkum Casino Center Boulevard, er aðalmiðstöð
spilavítanna. Þar er hægt
að stunda spilakassa, teningaspil, rúlettu, blackjack, keno, baccarat,
pan, big six, póker o.fl. Tæplega
800 metrum suðaustan brautarstöðvarinnar sker Fremont Street Las
Vegas Boulevard sem liggur þvert í gegnum alla borgina.
Rúmlega 3 km suðvestan Fremont Street fær Las Vegas Boulevard
nafnið „The Strip”. Þar
er hið raunverulega skemmtanahverfi borgarinnar með útisviðum, næturklúbbum,
börum og spilavítum í lúxushótelunum við götuna. Margir garðanna við hótelin eru sérstaklega íburðarmiklir
og sérstakir. Að kvöldlagi
lýsa neonskiltin upp göturnar og næturhimininn.
Frá
miðju „The Strip” liggur gatan Convention Center Drive til austurs
framhjá hinum 27 hæða háa „Landmark Tower” (94m) að ráðstefnumiðstöðinni
(fyrir 8000 manns; á einni hæð).
Norðan hennar er ráðstefnuhótelið „Las Vegas Hilton” með
105 m háum turni, risastórri sundlaug og stórum skemmtigarði.
Bæði til norðausturs og suðvesturs frá Hilton eru stór svæði
með golfvöllum og alls konar klúbbum.
Hægt er að ferðast með einteinungsbraut frá „Circus
Circus”
Rúmlega
3 km sunnan ráðstefnumiðstöðvarinnar, við Maryland Parkway, er háskólahverfi
Nevadaháskóla í Las Vegas (stofnaður 1957; 9000 stúdentar).
Þar er líka Náttúrusögusafnið (eyðimerkurdýr, minjar um
námugröft, indíánalist frá forsögulegum tíma til nútímans).
Í
grennd við Las Vegas eru nokkrir skoðunarverðir staðir:
#
Hooverstíflan,
byggð
1931-1936. Var kölluð
„Boulder Dam”. Hún er
221m há og 380m löng. Sjá þar.
#
Lake Mead
er í
Coloradoánni við stífluna. Það
er 185 km langt og allt að 180m djúpt. Þangað koma u.þ.b. 9 milljónir
gesta á ári. Sjá nánar
undir Hoover-stíflan í sérskrá.
#
Cedar Breaks þjóðgarðurinn,
stofnaður 1933, 26 km². Falleg
gljúfur.
#Dauðadalur
(Death Valley).
#
Miklagljúfur
(Grand Canyon). |
