Nebraska er stjórnað í anda stjórnarskrárinnar frá 1875 með síðari breytingum.  Æðsti embættismaðurinn er fylkisstjóri, sem er kosinn í almennum kosningum til 4 ára í senn og má aðeins þjóna í tvö samfelld kjörtímabil í einu.  Aðrir kjörnir embættismenn eru varafylkisstjóri, innanríkisráðherra, ríkissaksóknari, fjármálaráðherra og ríkisendurskoðandi.

Nebraska er eina fylkið í BNA, sem hefur einnar deildar þing.  Þar sitja 49 öldungar, sem eru kosnir til 4 ára í einstaklingskosningum.  Almenningur kýs tvo öldunga til setu í sambandþinginu og fylkið ræður 5 kjörmönnum í forsetakosningum.

Flokkur lýðveldissinna hefur fleiri skráða meðlimi en demókratar en mjög jafnt er með þeim í kosningum.  Frá 1970 til aldamóta sátu demókratar á fylkisstjórastóli og í öldungadeildinni í Washington DC.  Í forsetakosningum styðja kjörmenn fylkisins oftast frambjóðendur lýðveldissinna.