New York er stjórnað í anda stjórnarskrárinnar, sem tók gildi 1895.  Æðsti embættismaðurinn, fylkisstjórinn, er kosinn í almennum kosningum til 4 ára í senn og er ekki háður takmörkunum um framboð.  Aðrir kjörnir embættismenn eru vararíkisstjóri, dómsmálaráðherra og ríkisendurskoðandi.

Þingið starfar í öldungadeild (61) og fulltrúadeild (150).  Þingmenn beggja deilda eru kosnir til tveggja ára í senn.  Fylkið á 2 sæti í öldungadeild og 31 sæti í fulltrúadeild sambandsþingsins í Washington DC og ræður 33 kjörmönnum í forsetakosningum.

Fjöldi íbúa fylkisins hafa leikið stór hlutverk í stjórnmálalífi BNA.  Á tíunda áratugi 20. aldar var mjög jafnt á komið með lýðveldissinnum og demókrötum.  New York-borgarbúar voru hliðhollari demókrötum en annars staðar í fylkinu var fylgi lýðveldissinna meira.  Íbúar útborga og úthverfa borgarinnar voru óræður þáttur í stjórnmálalífinu á áttunda og níunda áratugnum, þannig að þeir gátu oft ráðið úrslitum.  Á fjórða og fimmta áratugnum réði fylkið 47 kjörmönnum, þannig að þeim hefur fækkað verulega.  Engu að síður eru kjörmenn þess þungt lóð á vogarskálunum.