Montana er stjórnað í anda stjórnarskrárinnar frá 1972 og síðari breytinga.  Æðsti embættismaðurinn er fylkisstjóri, sem er kosinn í almennum kosningum til 4 ára í senn og fjöldi kjörtímabila er ekki takmarkaður.  Aðrir kjörnir embættismenn eru varafylkisstjóri, innanríkisráðherra, ríkissaksóknari, ríkisendurskoðandi og menntamálaráðherra.

Þingið starfar í öldungadeild (50; 4 ár) og fulltrúadeild (100; 2 ár).  Fylkið á tvö sæti í öldungadeild sambandsþingsins í Washington DC og ræður 3 kjörmönnum í forsetakosningum.

Allt frá fylkisstofnun hafa lýðveldissinnar oftast haft meira fylgi í fylkisstjóra- og forsetakosningum en demókratar í þingkosningum.  Þekktasti stjórnmálamaður fylkisins er líklega Michael Joseph Mansfield, sem var leiðtogi meirihlutans í öldungadeild Bandaríkjaþings á árunum 1961-77.