Samkvæmt manntali 1990 voru íbúar fylkisins 5.117.073 og hafði fjölgað um 4,1% næstliðinn áratug.  Meðalíbúafjöldi á hvern ferkílómetra var 28 en dreifbýlustu landshlutarnir voru hrjúfur miðhluti Ozarksléttunnar og hæðóttu landbúnaðarhéraðinu í norðurhlutanum.  Hvítir 87,7%, negrar 10,7% auk 61.700 af spænskum uppruna, 19.508 indíána, 8.614 kínverja, 6.111 asísk/indverskra, 5.731 Kóreumanna, 5.624 Filipseyinga og 4.380 Víetnama.

Menntun og menning.  Franskir landnemar í St Louis stofnuðu fyrsta skólann á seinni hluta 18. aldar.  Stjórnarskráin 1820 kvað á um ríkisskóla.  Árið 1990 voru grunnskólar 2.151 með 683.700 nemendur og 107.500 í einkaskólum.  Þá voru 89 æðri menntastofnanir með 278.500 stúdentum.  Þeirra á meðal voru Missouriháskóli (Columbia, Kansas City, St Louis og Rolla), Washingtonháskóli í St Louis, St Louis-háskóli (1818), Mið-Missouriháskóli (1871) í Warrensburg og Suðaustur-Missouriháskóli (1873) í Cape Girardeau.

Söfn, bókasöfn og leikhús eru aðallega í fjórum borgum, St Louis, Kansas City, Jefferson City og Columbia.  Listasafn St Louis er fjölbreytt og Nelson-Atkins-listasafnið í Kansas City sýnir m.a. merkilega austurlenzka list.  Grasagarður Missouri í St Louis ere inn hinn fyrsti slíkur í landinu.  Sögufélagssafn Missouri í Columbia er þekkt fyrir verk innlendra listamanna.  Forngripasafn Missouri-Columbiaháskóla, Ríkissafnið í Jefferson City.  Harry S. Truman-bóka- og minjasafn í Independence.  Albrecht listasafnið og St Joseph-safnið í St Joseph.  St Louis vísindamiðstöðin.

Áhugaverðir staðir.  Meðal áhugaverðustu staða landsins eru tvær stærstu borgirnar, Kansas City og St Louis auk Ozarksvæðisins (gljúfur, hellar og stór, manngerð lón).  Mark Twain ríkisgarðurinn í Monroesýslu (Feruda-þorpið, fæðingarstaður rithöfundarins).  Sögustaðir eru fjölmargir (fyrstu landkönnuðir, landnám og merkismenn).  Meðal hinna áhugaverðustu eru heimili Mark Twain í Hannibal og fæðingarstaður John J. Persing í Laclede og George Washington Carver (þjóðarminnismerki) í Diamond.  Arrow Rock State Historic Site  (merkir staðir við Santa Fe-leiðina.  Jefferson National Expansion Memorial Historic Site í St Louis (fjöldi gamalla húsa og hliðboginn).

Íþróttir og afþreying.  Víða eru stórir almennings- og skemmtigarðar.  Stærstu þeirra er Vatnagarðurinn í Ozark.  Dýraveiðar, stangveiði, tjaldferðir og bátsferðir eru vinsælar.