Samkvæmt manntalinu 1990 voru íbúar fylkisins 4.375.099 og hafði fjölgað um 7,3% næstliðinn áratug.  Meðalfjöldi íbúa á hverjum ferkílómetra var 19.  Hvítir 94,4%, negrar 2,2% auk 53.900 af spænskum uppruna, 49.392 indíána, 11.576 Kóreumanna, 9.387 Víetnama, 8.980 kínverja og 8.234 asísk/indverskra.  Siouxindíánar voru fjölmennastir í frumbyggjahópnum.  Margir íbúanna eru af evrópsku bergi brotnir, s.s. frá Danmörku, Noregi, Svíþjóð og öðrum löndum Norður-Evrópu.  Í dreifbýlinu hafa margir þessara hópa búið í sérsamfélögum.

Menntun og menning.  Fyrsti skólinn í Minnesota var stofnaður í kringum 1820.  Ríkisskólakerfið var lögleitt árið 1849 og smám saman voru héraðsskólar byggðir.  Skólaskylda var lögleidd árið 1885.

Árið 1990 voru 1564 grunnskólar í fylkinu með 749.500 nemendur og 72.600 í einkaskólum.  Þá voru æðri menntastofnanir 81 með 253.100 stúdenta.  Stærst þeirra er Minnisotaháskóli (1851) með útstöðvar í Minneapolis og St Paul, Crookston, Duluth og Morris.  Mayo Graduate School of Medicine (1971) í Rochester starfar með Minnesotaháskóla.  Aðrir áberandi háskólar eru Ríkisháskólakerfi Minnesota í Memidji, Mankato, Marshall, Minneapolis, Moorhead, St Cloud, St Paul og Winona.

Minneapolis og St Paul, Tvíburaborgirnar, eru menningarmiðstöðvar fylkisins.  Meðal safna í þeim eru Listastofnun Minneapolis og Walker listamiðstöðin, Miðstöð sögufélags Minnesota og Vísindasafna Minnesota í St Paul.  Stóri Minnesota dýragarðurinn er í Epladal (Apple Valley) og Rúnasteinasafnið í Alexandria sýnir gripi, sem eiga að sanna, að víkingar hafi lagt leið sína til Minnesota.

Bókasafn Minnestoaháskóla hýsir a.m.k. 4 miljónir titla.  Það er eitt stærstu háskólabókasafna BNA.

Áhugaverðir staðir.  Skógar og stöðuvötn í norðurhluta fylkisins eru ofarlega á lista útivistarfólks.  Voyageurs þjóðgarðurinn er hinn stærsti í Minnesota.  Itasca ríkisgarðurinn geymir uppsprettu Mississippi-fljótsins.  Víða eru minnismerki um indíánana, sem bjuggu á þessu svæði fyrir landnám hvíta mannsins.  Þeirra á meðal eru Pipestone þjóðarminnismerkið með grjótnámum, þar sem innfæddir náðu sér í steintegundina, sem þeir notuðu til að tálga úr friðarpípur.  Grand Portage þjóðarminnismerkið við Superior-vatn er gamall skinnaverzlunarstaður.  Fort Snelling, endurbyggt virki frá 1820, er í grennd við Tvíburaborgirnar.

Íþróttir og afþreying.  Stöðuvötnin og árnar gefa óteljandi tækifæri til vatnaíþrótta.  Fagurt skóglendið er vinsælt til göngu- og tjaldferða og veiðimenn koma ekki heim þaðan með öngulinn í rassinum.  Dýraveiðar eru vinsælar.  Á veturna er stundað ísdorg, skauta- og skíðaíþróttir og snjósleðakeppnir eru haldnar.