Annapolis, höfuðborg Maryland, er á suðurbakka Severn-árinnar, nærri ósunum við Cheaapeake-flóa.  Hún er hafnarborg, viðskipta- og dreifingarmiðstöð fyrir landbúnaðarhéruðin umhverfis.  Efnahagur borgarinnar byggist þó að mestu á opinberri starfsemi, framleiðslu radartækja, ýmissa tækja til rannsókna neðansjávar og rannsóknum og þróun fjarskiptabúnaðar.  Í borginni er Herskóli sjóhersins (1845) og Háskóli hl. Jóhannesar (1784).  Gamla landstjórahúsið (1772-80) og elzta þinghús BNA, sem hefur verið í stöðugri notkun, eru skoðunarverðir staðir.  Þing BNA kom saman í gamla þinghúsinu.  George Washington, hershöfðingi, lét af störfum í Bandaríkjaher 1783 í þinghúsinu, friðarsamningar í París, sem bundu enda á frelsisstríðið, voru undirritaðir 1784 og Annapolis-ráðstefnan fór þar fram 1786.

Púritanar frá Virginíu settust fyrstir þarna að árið 1649 og skírðu staðinn Providence, sem var síðar nefndur Town of Proctor’s, Town at the Severn og Anne Arundel Town.  Árið 1694 varð bærinn bráðabirgðahöfuðstaður Maryland og nefndur Annapolis eftir Önnu prinsessu, sem síðar varð drottning.  Frá 26. nóvember 1783 til 3. júní 1784 var Annapolis höfuðborg BNA.  Áætlaður íbúafjöldi árið 1990 var rúmlega 33 þúsund.