Brunswick er smáborg í Cumberlandsýslu í Suðvestur-Maine við Androscoggin-ána og Casco-flóa.  Þessi bær við Atlantshafið er ferðamannastaður, sem var innlimaður í Maine árið 1738.  Þarna eru m.a. stundaðar skipasmíðar og framleiðsla skófatnaðar og rafeindatækja.  Bowdoin-háskólinn var stofnaður 1794.  Þarna er líka herstöð og flugvöllur sjóhersins.  Byggð hófst á þessu svæði 1628 og hún var nefnd eftir George I, konungi Breta, sem bar líka titilinn hertoginn af Brunswick-Lüneburg.  Áætlaður íbúafjöldi árið 1990 var tæplega 21 þúsund.