Samkvæmt manntalinu 1990 voru íbúarnir 1.006.749 og hafði fjölgað um 6,7% áratuginn á undan.  Meðalfjöldi íbúa á hvern ferkílómetra var þá 5.  Hvítir 94,4% og negrar 0,3% auk 13.594 indíána, 2.719 Japana, 52.900 af spænskum uppruna.  Helztu þjóðflokkar indíána, sem bjuggu á svæði fylkisins, voru nez, percé og shoshone.

Menntun og menning.  Fyrsti skólinn í fylkinu var stofnaður á fjórða áratugi 19. aldar, trúboðsskóli fyrir indíána.  Árið 1864 lögleiddi héraðsstjórnin stöðu skólamálafulltrúa og lögðu þar með grundvöllinn að komandi skólakerfi.  Seint á níunda áratugi 20. aldar voru 574 grunnskólar í fylkinu með 214.900 nemendur.  Samtímis voru þar 11 æðri menntastofnanir með u.þ.b. 49.000 stúdenta.  Hinar helzt þessara stofnana eru Idaho-háskóli (1889) í Moskvu, Ríkisháskólinn í Boise (1932), Albertson-háskólinn (1891) í Caldwell og Ríkisháskólinn (1901) í Pocatello.

Menningarstofnanir eru rúmlega 70 í fylkinu.  Þeirra á meðal eru Listasafnið í Boise og Sögufélag Idaho-fylkis í Boise.  Þá má nefna Náttúrugripasafnið í Pocatello og Safn Idaho-háskóla í Moskvu.

Íþróttir og afþreying.  Fjöllin, vötnin, árnar og víðlendar óbyggðir laða mikinn fjölda ferðamanna og útivistarfólks að.  Það fer á skíði, dýraveiðar, í tjaldferðir, gönguferðir, bátsferðir og stundar stangveiði.  Helztu skíðasvæðin eru Silver Horn í grennd við Kellogg, Schweitzer Basin við Sandpoint og Sun Valley (opnað 1936) á leið Union-Kyrrahafsjárnbrautarinnar.