Eldfjallaþjóðgarðurinn á suðurhluta Hawaii-eyjar, 927,4 km² að flatarmáli, var stofnaður árið 1916.  Innan hans eru tvö virk eldfjöll, Mauna Loa og Kilauea.  Hið fyrrnefnda er stærsta staka eldfjall í heimi (4169m.y.s).  Barmar toppgígsins, Mokuaweoweo eru allt að 180 m háir og í honum eru sprungugos algeng og einnig í hlíðum hans, þar sem nýir gígar myndast stöðugt í eldgosum.  Kilauea stendur upp úr austurhlíð þessa stóra eldfjalls (1111m).  Austursprunga þessa gígs hefur gosið óslitið síðan 1983 (2002).  Þessi gígur nær yfir u.þ.b. 10 km² svæði og telst vera hinn stærsti í heimi.  Hið stóra jarðfall hans, Halemaumau, er stundum kallað Hús hins eilífa elds.  Hið fjölbreytta landslag þessa þjóðgarðs nær yfir Kau-eyðimörkina í hlíðunum hlémegin gígsins en áveðurs, þar sem úrkoma er næg, vex burknaskógur.  Eldfjallastöðin á barmi gígsins var stofnuð 1911.  Þessi þjóðgarður var tengdur Haleakala þjóðgarðinum á Maui-eyju til 1961 undir nafninu Þjóðgarður Hawaii.