Í Hawaiieyjaklasanum eru 8 aðaleyjar:  Hawaii, Maui, Oahu, Kauai, Molokai, Lanai, Hiihau og Kahoolawe.

Hawaii er líka kölluð „Stóra eyjan” (4.034 km²).  Fimm eldfjöll prýða hana.  Hin þrjú stærstu eru Mauna Kea (4.205 m), Mauna Loa (4.169 m) og Hualalai ( 2.521 m).  Kilauea er stærsta virka eldfjall heims.  Hlíðar þess og Mauna Loa liggja saman.  Afleiðingar eldgosahrinu, sem hófst 1983, hafa verið mikið eignatjón, þegar hraunelfurnar hafa eyðilagt heilu byggðirnar.  Strandlengja eyjarinnar er að mestu ójöfn og inn til landsins eru hraunbreiður, dalir og gilskorningar.

Maui er þekkt undir nafninu „Dalaeyjan” (1.888 km²).  Þar eru tvö fjalllendi á austur- og vesturhlutunum, sem eru tengdir með eiði.  Hæsti tindurinn er Haleakala (3.055 m) með stærsta eldgíg útkulnaðs eldfjalls í heiminum (52 km²).

Oahu er stundum kölluð „Höfuðborgareyjan”, því að Honululu er þar.  Eyjan er 1.538 km².  Hún er mynduð af tveimur fjallshryggjum, Koolau og Waianae.  Þar eru engin virk eldfjöll en fjöldi óvirkra eldgíga, s.s. Diamond Head, Koko Head og Punchbowl.

Kauai er almennt nefnd „Garðaeyjan” (1.422 km²).  Þar er einn fjallgarður með hæsta tindinum Kawaikini (1.598 m).  Waimeagljúfur er nærri 910 m djúpt.  Á Kauai eru frjósamir dalir, djúpar gjár, margir hellar, hraundrangar og fossar.

Molokai er vel þekkt undir nafninu „Vingjarnlega eyjan”, vegna viðmóts íbúanna.  Eyjan er 676 km².  Þar eru þrjú eldfjöll.  Hæsti tindur eyjarinnar er Kamakou (1.512 m).  Á norðurhluta eyjarinnar er 150-990 m hátt þverhnípi með djúpum giljum og dölum, þar,sem hæst ber.  Við norðurvegg þessa þverhnípis er Kalaupapaskaginn, aðskilinn frá öðrum hlutum eyjarinnar.  Þar er holdsveikrahælið Hansen's Disease Treatment Center.

Lanai er nefnd „Ananaseyjan” vegna þess að hún er að mestu í eigu ananasfyrirtækis, sem veitir flestum íbúunum vinnu.  Eyjan ere 363 km².  Eyjan er raunverulega eitt fjall.  Hæsti tindurinn er Lanaihale (1.027 m).  Suðurströndin er klettótt.

Niihau er 181 km².  Miðausturhlutinn 396 m há slétta, sem endar í þverhníptu klettabelti við sjóinn.  Mestur hluti eyjunnar er þurrt kóralláglendi.  Allir íbúarnir eru annaðhvort hreinræktaðir Hawaiijar eða blandaðir og ferðaþjónusta er bönnuð.

Kahoolawe er stundum kölluð „Skotmarkseyja” vegna þess, að sjóherinn nota hana til skotæfinga.  Hún er minnst aðaleyjanna, 117 km², og er óbyggð.  Hún er einn fjallstindur, sem rís úr hafi.  Hæsti tindurinn er  PuuMoaulanui (452 m).  Innfæddir Havæjar líta á hana sem heilaga og þar eru margir forngripir frá forsögulegum tímum.

Óbyggðar klettasmáeyjar og kóralrif:  Kaula, Nihoa, Necker, Gardner drangar, Lisianski og Pearl- og Hermesrifin.  Fólk tók sér búsetu á fjórum áður óbyggðum eyjum í norðvestanverðum eyjaklasanum 1980.  Helztu Frönsku freigátuskerin eru: Laysaneyja, Kure-rifið og Midwayeyjar (ekki hluti af ríkinu).  Þar er líka La Perouse-drangurinn.