Tallahassee, höfuðborg Flórída, er stjórnsetur fylkisins, miðstöð menntunar og viðskipta fyrir frjósamt tóbaksræktarhéraðs umhverfis hana.  Þar er einning ræktuð baðmull og nautgriptir. Talsvert er framleitt af timbri, unninni matvöru, byggingarefni, prentuðu efni og byssupúðri.  Meðal áhugaverðra staða eru gamla þinghúsið (1845), bústaður landstjórans (1957), Lemoyne listasafnið og Sögusafn Flórída.  Borgin er setur landbúnaðar- og tækniháskóla (1887) og Fylkisháskólans (1851).

Spænski landkönnuðurinn Hernando de Soto kom á þessar slóðir veturinn 1539-40 og fann þar þorp hins horfna Apalache-fólks.  Nærri öld síðar stofnuðu Fransiskanar trúboðsstöð á svæðinu.  Árið 1675 voru nokkrar slíkar stöðvar risnar og hin mikilvægasta var San Luis de Talimali.  Eftir að BNA innlimuðu Flórída opinberlega 1821, var Tallahassee valin sem höfuðborg.  Fyrstu landnemarnir komu þangað 1824 og þingið kom þar fyrst saman seinna sama ár.  Nafnið er úr máli Creek-indíána og þýðir gamla borg.  Áætlaður íbúafjöldi árið 1990 var tæplega 125 þúsund.