Núverandi stjórnarskrá Flórída var lögleiddd í janúar 1969.  Æðsti embættismaðurinn er fylkisstjóri, sem er kosinn í almennum kosningum til fjögurra ára í senn og má þjóna í tvö samfelld kjörtímabil, ef hann hlýtur endurkosningu.  Varafylkisstjóri er bundinn sömu reglum.  Stjórn fylkisins skipa innanríkisráðherra, ríkissaksóknari, ríkisendurskoðandi, fjármálaráðherra, landbúnaðarráðherra og menntamálaráðherra.  Hún er kosin í almennum kosningum til fjögurra ára.  Löggjafarþingið skiptist í tvær deildir, öldungadeild (40, kosnir til 4 ára) og fulltrúadeild (120, kosnir til 2 ára).  Þingmenn beggja deilda kjósa forseta öldungadeildar.  Fylkisstjóri getur kallað þingið saman.  Tveir öldungardeildarþingmenn og 23 fulltrúadeildarþingmenn eru kosnir í almennum kosningum til setu í sambandsþingi BNA og fylkið hefur 25 kjörmenn í forsetakosningum.

Allt frá árinu 1877 hafa langfestir fylkisstjórar verið demókratar.  Á tímabilinu 1880-1948 kaus meirhluti íbúanna frambjóðendur demókrata til forsetaembættisins nema árið 1928.  Eftir miðja síðustu öld fór lýðveldissinnum að vaxa fiskur um hrygg í fylkinu.

Árið 2000 urðu mikil mistök í forsetakosningunum milli George W. Bush og Al Gore.  Úreltar kosningavélar skiluðu ótrúlegum fjölda ógildra atkvæða, þannig að illkleift var að gera upp á milli frambjóðenda.  Þetta klúður varð líklega til þess, að fyrrnefndi frambjóðandinn, bróðir þáverandi fylkisstjóra í Flórída, varð forseti BNA.  Hann náði endurkjöri 2004.