Fjórir garðar og brýr liggja á milli Miami og Miami Beach yfir  allt að 4 km breiðan Biscayne-flóann.  Miami Beach er ekkert annað er 16 km langt og fremur mjótt rif.  Þar voru um aldir fenjaskógar og mikil moskítoplága.  Bærinn byggðist engu að síður upp á fáum árum og nú er þar mesti ferðamannastaður og stærsti baðstaður Bandaríkjanna.  Syðst er Art-Decohverfið, sem byggðist á fjórða áratugnum.

Art-Deco-hverfið er á milli 5.- og 23. Traðar, Ocean Drive og Lenox Avenue.  Hinar rúmlega 800  pastellituðu hús í hverfinu eru verndaðar.  Þau voru flest byggð á fjórða áratugnum og hafa verið vandlega endurnýjuð.  Þetta hverfi var kallað Elliheimili Bandaríkjanna á sjöunda áratugnum en líkist nú einna helzt listamannahverfinu Coconut Grove.  Vilji fólk skoða það, er bezt að fá nákvæmari upplýsingar  hjá 'Miami Design Preservation League, 1201 Washington Avenue.  Langathyglisverðasti hlutinn er á milli Ocean Drive, Collins Avenue, 5. og 12 Traðar.  Aðalverzlunargatan er Washington Avenue.  Við Espanola Way bjuggu fyrrum margir listamenn en síðar varð þar vændishverfi en nú hefur öllu verið snúið til fyrra horfs. Um miðjan janúar er þar haldin Art-Deco-helgi.

Collins Avenue er aðalumferðargatan austast á rifinu, næst Atlantshafinu.  Margir bútar í þáttunum Miami Vice voru filmaðir á þeirri götu en gatan er líka kölluð The Strip manna á meðal.  Þar eru flest stóru hótelanna og fjölbýlishúsanna, sem eiga einkastrandbúta.

Beachfront Promenade er margra km löng gata meðfram ströndinni á milli 21.- og 46. traða, þar sem fólk hleypur og gengur sér til hressingar frá morgni til kvölds.

Basslistasafnið (2100 S.Collins Ave.; opið þriðjud. - laugard. 10:00-17:00 og sunnud. 13:00-17:00).  Þar er að finna málverk gömlu og nýju meistaranna (einnig impressionista).  Í grenndinni er almenningsbókasafnið og stjörnuskoðunarstöð.

*Borgargarðurinn (Municipal Park) er miðsvæðis.  Þar getur að líta margar sjaldgæfar plöntur og listavel skipulagðar blómaskreytingar í Miami Beach Garden Center & Conservatory.  Þar er útileikhús með 3.700 sætum, nýstækkaða ráðstefnumiðstöð og innileikhús.

Lincoln Road Mall er verzlunargata fyrir gangandi vegfarendur sunnan garðsins.

Lummus Park er pálmum skrýddur garður aðeins sunnar, alveg niðri við sjó.  Ocean Front útileikhúsið er í honum og margra km löng baðströnd.

Ráðhúsið er vestan Lummusgarðsins.  Þar er líka Flæmingjagarðurinn (Flamingo Park) með stórum  íþróttaleikvangi.

Haulover Beach Park er norðantil í Miami Beach.  Þar er stórt útivistarsvæði, baðströnd og snekkjuhöfn.

Miami Beach Marina, bátahöfnin, er sunnan MacArthur Causeway.  Þessi tiltölulega nýlega höfn  hefur rúmlega 400 legur.  Þaðan er haldið í sjóstangaveiði, skoðunarferðir með glerbotnabátum og köfunarleiðangra.  þar er einnig hægt að leigja sér báta.

South Point Park Beach er vinsæl baðströnd við endann á Collins Avenue með bryggju, göngustígum og stólum og borðum fyrir þá, sem vilja setjast niður og borða nestið sitt.

Ferð frá Miami til Key West (261 km).