Delawarefljótið er meðal stærstu vatnsfalla í austanverðum BNA.  Fyrstu uppsprettur hennar eru í vesturhlíðum Catskill-fjalla í austanverðu New York-fylki.  Þar er hún í tveimur kvíslum og hin vestari er vatnsmeiri.  Hún stefnir til Deposit og New York-borgar í suðvestri og sveigir siðan til suðausturs, þar sem hún rennur á landamærum Pennsylvaníu, New York-fylkja og New Jersey.  Austurkvíslin hefur sömu stefnu og hin vestari á leiðinni til Deposit og ármótin eru við Hancodk í New York.  Þaðan er stefnan suðaustlæg þar til hún verður suðlægari áður en fljótið hverfur í Delawareflóa.

Helztu þverár fljótsins eru Neversink, Calicoon og Mongaup í New York-fylki, Lehigh, Schuylkill og Lackawaxen í Pennsylvaníu og Maurice og Musconetcong í New Jersey.  Vesturkvíslin er u.þ.b. 145 km löng og hin vestari u.þ.b. 121 km að ármótunum.  Lengd fljótsins eftir það er 451 km að Delawareflóa.  Vatnasvið fljótsins er u.þ.b. 31.100 ferkílómetrar.

Fljótið er nýtt til raforkuframleiðslu og er einnig mikilvæg vatnaleið til Fíladelfíu og þaðan með smærri skipum til New Brunswick, New Jersey um Raritanána.  Skipaskurðurinn hefur víða verið fylltur á ný, s.s. við Manville og New Brunswick.  Chesapeake og Delaware skurðurinn tengist Delawarefljótinu neðan Wilmington og Delawarefljótið við Delawareflóa og er fær hafskipum.

Að kvöldi hins 25. desember 1776 leiddi George Washington hersveitir sínar yfir Delawarefljótið.  Daginn eftir sigruðu þær þýzka málaliða (frá Hessen), sem börðust með Bretum í orrustunni við Trenton.