Delaware er stjórnað í anda stjórnarskrárinnar frá 1897.  Það er eina fylkið í BNA, sem krefst ekki almennra kosninga til breytinga á stjórnarskránni.

Æðsti embættismaðurinn er fylkisstjórinn, sem er kosinn í almennum kosningum til fjögurra ára ísenn og leyfist ekki að þjóna nema tvö kjörtímabil, hljóti hann endurkosningu.  Varafylkisstjórinn er ekki bundinn við tveggja kjörtímabilaregluna.  Aðrir kosnir embættismenn eru ríkissaksóknari, frjármálaráðherra, ríkisendurskoðandi og tryggingamálaráðherra.

Löggjafarþingið starfar í tveimur deildum, öldungadeild (21) og fulltrúadeild (41).  Þingmenn beggja deilda eru kjörnir til tveggja ára í senn.

Delaware á tvo fulltrúa í öldungadeild sambandsþingsins og þrjá kjörmenn í forsetakosningum.

Demókratar voru öflugastir frá lokum borgara/þrælastríðsins en lýðveldissinnar mestan hluta fyrsta þriðjungs 20. aldar.  Síðan 1925 hafa flokkarnir tveir verið nokkuð jafnir og skipzt á í kosningum heimafyrir og til sambandsþingsins.