Samkvæmt manntali árið 1990 bjuggu 3.294.294 manns í fylkinu og hafði fjölgað um 14% áratuginn á undan.  Meðalfjöldi í búa á hvern ferkílómetra er u.þ.b. 12.  Hvítír íbúar töldu 88,2%, negrar 4% auk 27,271 indíána, 11.402 Japana, 11.339 Kóreumanna, 8.695 kínverja og 7.210 Víetnama.  Fólk af spænskum uppruna taldi u.þ.b. 424.300.

Menntun og menning.  Fyrsti skóli fylkisins var stofnaður 1859.  Ríkisreknir barnakólar hófu rekstur 1862 og urðu að grunnskólum 1870.  Síðla á níunda áratugi 20. aldar voru ríkisreknir grunnskólar orðnir 1.337 talsins með 562.200 nemendum.  Þá voru 35.900 nemendur í einkareknum skólum.

Samtímis voru 54 æðri menntastofnanir með 201.100 stúdentum.  Hinar helztu þeirra eru Kóloradó-háskóli (1874) og Flughersakademían í Colorado Springs, Námuskólinn í Golden og Ríkisháskólinn (1862) í Fort Collins.

Meðal aðalsafna fylkisins eru Listasafn Denver, Náttúrugripasafn Denver, Safn sögufélags Kóloradó og Þjóðminjasafnið í Denver.  Í Colorado Springs er Listasafnið og Námusafnið.  Söfnin í Kóloradó-háskóla í Boulder og Indíánasafnið í Montrose eru einnig áhugaverð.

Íþróttir og afþreying.  Fjöll fylkisins, stór útivistarsvæði og fjöldi vatna og fallvatna eru tilvalin til margs konar útivistar.  Heilsubótarstaðir eru fjölmargir í tengslum við ölkeldur o.þ.h.  Skíðaíþróttin er mikið stunduð á rúmlega 20 skíðasvæðum, s.s. í Aspen, Steamboat Springs, Telluride og Vail.