Colorado Springs er heilsubótarborg (allt árið) á sléttunni við rætur Pikes Peak.  Borgarbúar byggja lífsafkomu sína á framleiðslu og þjónustu við herinn og hátæknibúnaði, s.s. hálfleiðurum, tölvum og hugbúnaði.  Á árunum 1985-90 fluttist stór tölvuframleiðandi til Colorado Springs og íbúum fjölgaði mjög.  Hernaðarmannvirki í grenndinni eru m.a. Carson-virkið, Peterson herflugvöllurinn (aðsetur stjórnstöðvar geimferða og geimferðastjórnar flughersins).  Þarna er Colorado-háskóli (1965) og academía flughersins (1954).  William J. Palmer, sem lagði járnbrautirnar til Denver og Río Grande, stofnaði Colorado Springs 1871 sem heilsubótarstað.  Árið 1891 fannst gull í Cripple Creek og bærinn varð að viðskiptamiðstöð.  Nafn borgarinnar er dregið af ölkeldu í Manitou Springs.  Áætlaður íbúafjöldi árið 1990 var rúmlega 280 þúsund.