|
Arkansas fékk nafn sitt af arkansafólkinu (quapaw), sem var
meðal fjölmennustu þjóðflokka indíána áður en landnám hófst.
Meðal annarra indíánaþjóðflokka voru osage, caddo, cherokee
og choctaw. Árið 1541 kannaði spænskur leiðangur undir
forystu Hernando de Soto landið. Frakkar komu í kjölfarið á
17. öld og árið 1686 stofnaði Henri de Tonty verzlunarstað í
Arkansas Post, nærri ármótum Arkansas- og Mississippi-ánna.
Svæðið varð hluti af Louisiana eftir leiðangur franska
landkönnuðarins Robert Cavelier, sieur de La Salle, árið
1682. Ameríkanar hófu landnám seint á 18. öld. BNA keyptu
Louisiana og Arkansas af Frökkum árið 1803.
Fylkisréttindi og tímabilið fyrir borgarastríðið. Árið 1812
varð Arkansas sýsla í nýstofnuðu Missouri-héraði. Margir
hermenn úr stríðinu 1812-15 settust að á svæðinu næsta
áratuginn. Árið 1819 veitti sambandsþingið Arkansas
héraðsréttindi. Árið eftir, þegar Little Rock var stofnuð,
bjuggu 14.273 í Arkansas. Vaxandi fjöldi baðmullarbænda
flutti með sér þræla og árið 1830 var íbúafjöldinn kominn í
30.388. Aukin nýting skóganna og tilkoma gufuskipa á ánum
jók hagvöxt og íbúafjölda, sem var orðinn 435.450 árið 1860
(þ.m.t. 111.307 þrælar).
Þrátt fyrir áhrif mikils fjölda þrælah
aldara, óx andstæðingum aðskilnaðar Suðurríkjanna fiskur um
hrygg fyrir borgarastríðið. Aðskilnaðarsinnar höfðu betur
eftir að uppreisnin hófst og Arkansas varð hluti af
Suðurríkjunum á árunum 1861-65.
Eftirstríðsárin og 20. öldin. Þegar endurreisnin hófst í
Arkansas, var efnahagurinn í rust og pólitískur ágreiningur
var mikill. Spilling og skuldasöfnun grófu um sig. frá
1868 til 1874 voru lagðar járnbrautir, ríkisskólar voru
stofnaðir, þ.á.m. Arkansasháskóli.
Að endurreisninni lokinni varð Arkansas eitt höfuðvígja
demókrata, bæði heima fyrir og á sambandsþinginu, þrátt
fyrir stofnun þriðja stjórnmálaflokksins, sem óánægðir
bændur fylltu. Vígi demókrata fell, þegar lýðveldissinninn
Winthorp Rockefeller var kjörinn ríkisstjóri árið 1966.
Vatnaleiðin á Arkansasánni var fullgert 1970. Það opnaði
leiðina milli Mississippi-árinnar og Oklahoma og ýtti undir
vaxandi iðnvæðingu meðfram ánni. Árið 1980 höfnuðu
kjósendur nýrri stjórnarskrá, en árið 1984 samþykktu þeir
framlengingu kjörtímabila landstjóra og annarra
embættismanna í 4 ár. Á áttunda og níunda áratugnum
þróaðist ræktun nautgripa og hænsna, sem jók á hagsæld
margra landshluta en olli jafnframt aukinni mengun. |
