Pine Bluff er hafnarborg við Arkansas-ána í Arkansasfylki.  Hún er iðnaðar- og viðskiptaborg í lanbúnaðarhéraði, þar sem talsvert er ræktað af baðmull, hrísgrjónum og sojabaunum.  Pappírsframleiðsla er talsverð auk framleiðslu málmvöru og straumbreyta.  Þar er rannsóknarmiðstöð fyrir ýmiss konar eiturefni og Arkansasháskóli (1873).  Í grenndinni er stórt vopna- og skotfærabúr hersins.  Fyrsta byggðin, sem fór að myndast á þessum stað árið 1819 var kölluð Mount Marie.  Núverandi nafn tengist furutrjám, sem vaxa við ána (1832).  Áætlaður íbúafjöldi árið 1990 var 57 þúsund.