Fort Smith er iðnaðarborg og miðstöð vörudreifingar í Arkansasfylki.  Þar er talsverð matvælaframleiðsla og stórir kvikfjármarkaðir.  Í grennd borgarinnar er verndarsvæði í tengslum við Chaffee-virkið.  Árið 1975 áttu 25.000 víetnamskir flóttamenn þar samastað um tíma og snemma á níunda áratugnum dvöldu þar margir innflytjendur frá Kúbu.  Borgin þróaðist í kringum virki, sem var byggt 1817 til að tryggja frið milli indíánaættkvíslanna Cherokee og Osage.  Hershöfðinginn Thomas A. Smith er nafngjafi borgarinnar.  Hann var yfirmaður herdeildarinnar, sem byggði virkið.  Annað virki, sem var byggð í grenndinni 1838, var yfirgefið 1871.  Árið 1875 var fylkisrétti komið á fót í bænum og Isaac C. Parker, dómari, beitti engum vettlingatökum í baráttunni við alla lögleysuna og lögbrotin, sem höfðu viðgengist fram að því.  Áætlaður íbúafjöldi árið 1990 var 73 þúsund.