Fylkinu er stjórnað í samræmi við stjórnarskrána, sem var
samþykkt 1911 og tók gildi 1912 með áorðnum breytingum.
Æðsti ráðamaður er fylkisstjórinn, sem er kosinn í almennum
kosningum til fjögurra ára. Engar takmarkanir eru á fjölda
endurkosninga hans/hennar. Aðrir fulltrúar fylkisins, sem
eru kosnir í almennum kosningum, eru saksóknari,
fjármálaráðherra, menntamálaráðherra, ráðherra
náttúruauðlinda og viðskiptaráðherra. Löggjafarþingið
starfar í tveimur deildum, öldungadeild og fulltrúadeild.
Öldungardeildarþingmenn eru 30 og 60 fylla fulltrúadeildina.
Þessir fulltrúar eru kosnir til tveggja ára í senn. Arizona
kýs tvo þingmenn til setu í öldungardeild
sambandsstjórnarinnar í Washington DC. Í forsetakosningum
hefur fylkið ráð yfir atkvæðum 8 kjörmanna.
Fylkið var eitt af höfuðvígjum demókrata frá upphafi yfir
miðja 20. öldina, þegar íhaldsamur lýðveldissinni, Barry M.
Goldwater, var kosinn til setu í öldungadeild
sambandsþingsins. Þessi þróun hélt áfram fram á níunda
áratuginn. Árið 1988 var fylkisstjóri lýðveldissinna, Evan
Mecham, fundinn sekur um afbrot í opinberu embætti og var
sviptur embætti. Slíkt hafði ekki gerzt síðan 1929. |